Sa bawat araw na ginawa ng Diyos
Nabubuwisit ka sa
Trapik na sasalubong sa’yo.
Sa mga balitang puro
buladas ng mga pulitiko.
Sa mabagal na internet
at bakit antagal ng inorder
mong espresso.
Samantala sa ibang dako ng mundo
59 ka tao ang namamatay,
16,774 ang lumilikas sa kanilang tahanan
306 ang sugatan at 190 nito ay kabataan
323 ang nawawasak na mga kabahayan
sa patuloy at walang habas na
pag-atake ng Israel
sa Gaza
sa bawat araw na ginawa ng Diyos.
———–
08.09.2014
Matina DC
